Weihnachtsgrüße vom Bayerischen Inngau Trachtenverband

Mei liabster Christbaamschmuck	Christbaam - Schmuck (A fast wahre Gschicht)
Ganz hint, auf an Astl, und sehgn tuat ma s kaam, da sitzt a kloans Vogerl, a gläserns, im Baam. Es is scho recht z`nichti, hat Federn valorn, und vo seiner Farb is vui a(b)griblt worn. Scho guating fuchzg Joahr Is des Vogerle oid – Warum sitzts im Christbaam? Mei, gern han i s hoid. Sche ausschaun tuats nimma, i hebs denna auf, is fei a wenig schäbi; des nimm i in Kauf. Weil, wia r i a Kind war, da hat s mih so gfreit, daß mir des oid Vogerl nuh heit ebbs bedeit. Für mih is koa Glumpat, des weggschmissn ghert, schau s oiwei mit Liab a(n) – Für mih hat s an Wert. Vui Sachan und Menschn -da glaub i fest dro- san nimma de Schenern und gernghabt werns doh.	A Frau hat mir voler Eifer vozoiht, an neichn Christbaamschmuck kauft sa sih boid, Sie sagt: „Der Christbaam soi heier bsunders sche wern, net so wia allerwei, sondern modern; da muaß fei oisse desejbe Farb ham, woaßt, d Kugeln und d Kerzn passn da zsamm, mit seidane Mascherl werd `s Bame voziert, so daß s a richtiges Schmuckstückl wird. Was i für a Farb nimm? I woaßs net genau, ko sei, i nimm lila oder ah blau. A ganz zartes Rosa taat ma guat gfoin: des wird na a Christbaam, direkt zum Moin.“ Was i davo hoit, hat sie mih nuh gfragt, da han i ganz ehrlih zu ihra gsagt: „I rat dir grad oans, daß d nix weggaschmeißt, s kunnt sei, daß sih an Enkli moi reißt um des, was dir iazat nimma gfoit, weil da scho z`schäbi is oder z òid. Vielleicht hans akkrat deine Kugeln und Stern In spädere Joahr wieder hochmodern.“

Mei liabster Christbaamschmuck

Christbaam - Schmuck (A fast wahre Gschicht)

Ganz hint, auf an Astl,
und sehgn tuat ma s kaam,
da sitzt a kloans Vogerl,
a gläserns, im Baam.

Es is scho recht z`nichti,
hat Federn valorn,
und vo seiner Farb is
vui a(b)griblt worn.

Scho guating fuchzg Joahr
Is des Vogerle oid –
Warum sitzts im Christbaam?
Mei, gern han i s hoid.

Sche ausschaun tuats nimma,
i hebs denna auf,
is fei a wenig schäbi;
des nimm i in Kauf.

Weil, wia r i a Kind war,
da hat s mih so gfreit,
daß mir des oid Vogerl
nuh heit ebbs bedeit.

Für mih is koa Glumpat,
des weggschmissn ghert,
schau s oiwei mit Liab a(n) –
Für mih hat s an Wert.

Vui Sachan und Menschn
-da glaub i fest dro-
san nimma de Schenern
und gernghabt werns doh.

A Frau hat mir voler Eifer vozoiht,
an neichn Christbaamschmuck kauft sa sih boid,
Sie sagt:
„Der Christbaam soi heier bsunders sche wern,
net so wia allerwei, sondern modern;
da muaß fei oisse desejbe Farb ham,
woaßt, d Kugeln und d Kerzn passn da zsamm,
mit seidane Mascherl werd `s Bame voziert,
so daß s a richtiges Schmuckstückl wird.

Was i für a Farb nimm? I woaßs net genau,
ko sei, i nimm lila oder ah blau.
A ganz zartes Rosa taat ma guat gfoin:
des wird na a Christbaam, direkt zum Moin.“

Was i davo hoit, hat sie mih nuh gfragt,
da han i ganz ehrlih zu ihra gsagt:
„I rat dir grad oans, daß d nix weggaschmeißt,
s kunnt sei, daß sih an Enkli moi reißt
um des, was dir iazat nimma gfoit,
weil da scho z`schäbi is oder z òid.
Vielleicht hans akkrat deine Kugeln und Stern
In spädere Joahr wieder hochmodern.“

Gedichte von Anna Six