Weihnachtsgrüße vom Lechgauverband

Thomasnacht

Wenns jetzt bald auf Weihnachta zuagoht
der 20. Dezember im Kalender schtoht
Thomasnacht- diea längste Nacht vom ganza Johr
schtoht uns heit o no bevor.

Ma hot sa dem Hl. Thomas zuagschrieba,
weil der am längsta vo all Apostel am Zweifla isch blieba
doch dann hot er ohne Angst und ungeniert
bis Indien num vo Jesus verzählt und missioniert.

Für d´Holzer isch umd´Thomasnacht rum a wichtga Zeit
weil des do g´schlagana Holz am Beschtändigschta bleibt.

Kindar freuat si - bloß no viermol schloffa
und deand si vo Weihnachts viel erhoffa
Grund für mi mol noch zum denka
was duat denn Weihnachta mir schenka?

Was bewegt es denn in mir drin?
Gibt Jesu Geburt- o meim Leba an Sinn?
Und meine Gedanken gangat weiter furt,
wiea es wohl war - 4 Däg vor Christi Geburt?

D´Römer hand regiert mit harter Hand
broodlat hots do sicher im ganza Land.
Viele ham auf des g´hofft was war prophezeit,
wenn o scho vor langer Zeit.

Doch wer hot vor am neuen starken König bangt?
Wer noch dem Messias si g´sehnt und verlangt?
Viele warn arm unv Wenige reich
und ihr GLoba was iahna G´setzt und Halt zugleich.

Und wiea isch es in unserer Zeit?
Wer isch zum Festhalta am Globa bereit?
Viele der Globa überflüssig scheint.
Ma macht si lieaber selber zum Mittelpunkt, wia mas meint.

Mancher set si sogar ganz davo los
I frog mi - was feirat diea dann an Weihnachta bloß?

_{Maria Schweiger, Epfach, 31.10.2022 in Lechroaner Mundart}

Frohe Weihnacht und viel Gesundheit und Glück im neuen Jahr
wünschen Euch die Trachtler vom Lechgau. _{Josef Fiederer, Sg. MBL}